SULATIN BLG. 4 (HIRAYA MANAWARI)

 

HIRAYA MANAWARI

Isa ka ba sa mga taong nagsusumikap at determinado para lang maabot ang kanilang pangarap? Pangarap na maaring magbago sa takbo ng kanilang Buhay. Ako kasi, oo.

Ang salitang Hiraya Manawari ay nangangahulugang “sana maabot ang pangarap”. Lahat naman siguro ng tao ay may pangarap na gustong makamit, katulad ko, marami akong pangarap sa buhay. Isa akong estudyanteng punong-puno ng pangarap na gagawin ang lahat para lang makamit ang mga ito. Ang mga pangarap na ito ang nagsisilbing inspirasyon upang ako'y magpursigi at ibigay lahat ng aking makakaya. Mga maliliit na pangarap pero malaki ang kayang baguhin sa takbo ng aking buhay at nagiging gabay para mapunta ako sa tamang landas ng buhay. 

Nais kong maabot ang mga pangarap na ito upang maranasan ko ang masarap na buhay, kung saan wala akong problemang iisipin. Isa sa gusto kong maabot ay ang makapagtapos ng pag-aaral at makamit ang matagal na pinapangarap na trabaho, ang maging isang Civil Engineer. Kaagapay nito ay maibalik ko lahat ng mga sakripisyong ginawa ng aking mga magulang upang bigyan ako ng komportableng buhay. Bukod dito, nais ko ring makita na sa kabila ng aking determinasyon sa pag-aaral, mga pawis, pagod, dugo't-luha na aking napagdaanan para lang magawaran ng mataas na karangalan ay makita kong proud na proud sa akin ang aking mga magulang. Nais ko ring makamit ang pagkakaroon ng maayos at komportableng buhay, at maranasan ang mga bagay na hindi ko naranasan noong bata pa ako. Pero sa lahat ng mga pangarap kong ito, ang pinaka nais kong makamit ay mahanap at mas makilala ko nang lubusan ang aking sarili. Pumasok sa aking isipan, sa dinami-rami ng aking mga pangarap, sigurado ba akong makakamit ko ang mga ito? Sa tingin ko, malalaman ko yan sa tamang panahon. 

Lagi nating tandaan na ang ating mga pangarap ay ang repleksiyon ng direksyon at layunin natin sa buhay. Ang ating mga pangarap ang nagsisilbing motibasyon upang tayo ay magsikap at pagbutihin ang ating buhay. Ito rin ang nagtutulak sa atin na harapin ang mga hamon at pagsubok, sapagkat alam natin na gagawin natin ang lahat para lang sa mga pangarap na ito. Ang pagkakaroon ng pangarap ay nagbibigay ng pag-asa at inspirasyon upang patuloy na magsikap para sa mas maganda at maayos na kinabukasan.

SULATIN BLG. 3 (ANAK)

 

WALANG KATUMBAS NA PAGMAMAHAL

Ang kantang “Anak” na isinulat ni Freddie Aguilar ay ipinipakita na mahalin natin ng punong-puno ang ating mga magulang kahit ano man ang ating pagdaanan.

Ang ipinapahiwatig ng kantang ito ay walang kapantay at walang tatalong pagmamahal ang isang ina. Patunay dito ay kahit madaming pagsubok ang iyong pinagdadaanan ay palaging nandyan pa rin ang ating magulang at handa tayong tulungan sa anumang panahon. Ipinapahiwatig din dito na gusto lang ng ating magulang ang mga bagay na kung saan ito ay makakabuti para sa atin, at kaya nila ginagawa ang mga bagay na kung paminsan ay ating kinaiinisan ay para mapunta tayo sa magandang kinabukasan at iwasang mapunta sa wala ang ating buhay. 

Sa kantang ito, maihahambing ko ang katagang “Alam ng nga magulang ang ikakabuti mo” sapagkat mapapansin natin sa kanta na pinapaalalahanan ng ina ang kaniyang anak sa mga bagay na gusto nitong gawin na alam ng kaniyang ina na hindi ito maganda para sa kaniya at ayaw niyang mag-sisi sa huli ang anak. 

Lagi nating tandaan na ang pagmamahal ng isang magulang ay walang katumbas, kapantay, at walang makakatalo kaya siguraduhin nating mahalin rin natin sila pabalik at huwag sayangin ang magandang buhay na ibinigay nila para sa atin. 

SULATIN BLG. 2 (SULAT NA PAIBA)

   ANG BATANG MAY PANGARAP

 Sa bayan ng Pasig, may isang ordinaryong bata na punong-puno ng pangarap, siya ay si Jullian James Bendo. Si Jullian James Bendo ay labing-anim na taong gulang, nakatira sa Baranggay Rosario, at kasalukuyang nag-aaral sa Mataas na Paaralan ng Sta. Lucia, kinukuha ang akademikong track na STEM. At sa kasalukuyang, nais niyang magkamit ng may mataas na karangalan. At pagtanda ay gusto niyang maging isang Civil Engineer sapagkat matagal niya na itong pangarap simula ng siya ay bata pa.

   Si Jullian James Bendo ay ipinanganak sa probinsiya ng Lucena, Quezon. Siya ay isang adventurous, kind, extrovert, creative na bata. Maari niyo siyang tawagin “Jj” Basta kayo ay matagal ng magkaibigan. Siya ay may alagang aso na nagngangalang “Kiwi”, isang mixed breed na aspin at dachshund. Siya ay isang taekwondo black belter player noon at nakakamit ng mga madaming medalya, ngunit siya ay nahinto dito dahil sa Pandemic. 

   Mahilig siyang gawin ang mga sumusunod, Una, mahilig siyang sumayaw, patunay dito ay sumali siya sa Inter-School Streetdance noong nakaraang taon at nagwagi bilang 3rd placer. Pangalawa, mahilig siyang kumain lalong-lalo na ang matatamis katulad ng leche flan, graham, macaroni salad, at pitchi-pitchi. Pangatlo, mahilig siyang manood ng mga movies, paborito niya ang mga genre na fantasy, action, at paminsan ay horror. Pang-apat, hindi lang siya ay isang taekwondo player, mahilig rin siya maglaro ng badminton at volleyball.

   At naniniwala siya na huwag kang susuko kung gusto mo itong makamit sapagkat ang pagiging dedikado sa isang bagay ay makakatulong upang makamit natin ito. 

SULATIN BLG. 1

                                                         

Ang Aking Sandalan

                            ANO ANG AKING LAYUNIN?

   Sa ating mundong kinagagalawan, lahat tayo ay may layunin na kahit madaming pagsubok ay kailangan nating maabot. Layunin na nais nating makamit, layuning matagal nang inaasam, layuning magdudulot ng magandang kinalabasan. Isa na ako don, marami akong layunin sa buhay na dapat kong makamit. Lagi kong ipinapasok sa aking isipan na “dapat magawa ko ang aking layunin “, layunin na magbabago sa takbo ng aking buhay sa hinaharap. Mga layuning nagsisilbing gabay para ako'y magpatuloy sa takbo ng buhay. Pumapasok sa aking isipan “Ano Ang aking layunin?”. 

   Ito ang mga layuning matagal ko nang kaagapay sa aking buhay, layunin kong mag-,aral ng mabuti, makapagtapos ng pag-aaral upang ako'y makakuha ng diploma na magiging ebidensiya na ako ay nakapagtapos. Layunin ko na mabigyan ko ng magandang kinabukasan ang aking mga magulang sa hinaharap, nais kong maipakita sa aking mga magulang na Ang kanilang mga sinakripisyo para sa akin ay hindi napunta sa wala. Isa pa, layunin kong makita na Ang aking mga magulang ay proud na proud sa mga achievements na aking natanggap. Sa lahat ng mga nabanggit kong layunin, hindi ko ito makakamit kung wala ang mga mahahalagang tao na ito, ang aking magulang, at mga kaibigan. Mga tanong nagsilbing sandalan ko tuwing ako'y nanghihina, sila ang tumutulong para ako'y makabangon at makipagsapalaran ulit. Kung wala sila, siguro wala na rin ako. Kaya masaya ako na nakikala ko sila, mga gabay ko sa takbo ng aking buhay. 

   Kahit gaano pa kadami ang pagsubok ang humahadlang sa ating upang makamit ang mga layunin na ito, lagi nating tandaan na huwag sumuko hangga't hindi mo ito nakakamit. Tandaan mo na ang mga layunin na ito ang nagwsisilbing tulay para sa mga bagay na gusto mong makamit. Ngunit, hindi tayo sigurado kung kailan natin ito makakamit, sa tingin ko, malalaman natin iyon, sa tamang panahon. 

SINO SI JULLIAN JAMES BENDO?

  Isang Mapagpalang Araw! Alam kong marami sa inyo ang nagtataka, sino nga ba si Jullian James Bendo? Siya ba ay isang Artista? Singer o Dancer? Ang totoo diyan, siya ay isang determinadong estudyante.

   Ako si Jullian James Bendo, labing-anim na taong gulang. Isang STEM student sa mataas na paaralan ng Sta. Lucia. Marami akong pangarap na gustong makamit, gayundin ang mga hilig kong gawin.

    Magtataka rin kayo, ano ang mga hilig gawin ni Bendo?  Tuwing ako ay walang ginagawa, mahilig akong maglaro ng badminton o kaya naman ay ang manood ng mga movies sa netflix. Pero ang pinakagusto kong gawin ay..ang KUMAIN!! Tama, mahilig akong kumain lalo na kung ito ay matamis. Isa rin akong taekwondo black belter player noon, ngunit nahinto ito dahil sa pandemic noong 2020, at napag-isipan kong magpokus na lang ako sa pag-aaral.

   At ayan, sana nagkaroon kayo ng unting kaalaman patungkol sa akin. Muli, ako si Jullian James Bendo, magkita ulit tayo sa susunod, Paalam!!